«Ռուսաստանը հույս ունի հստակեցնել անվտանգության ոլորտում դիվերսիֆիկացիայի մասին Փաշինյանի խոսքերը». Պեսկով

Ռուսաստանը հույս ունի Հայաստանի հետ շփումներում պարզաբանել անվտանգության ոլորտում դիվերսիֆիկացիայի մասին Փաշինյանի խոսքերը։ Այս մասին, ТАСС-ի հաղորդմամբ, հայտարարել է ՌԴ նախագահի խոսնակ Դմիտրի Պեսկովը:

Ավելի վաղ ամերիկյան The Wall Street Journal թերթին տված հարցազրույցում Փաշինյանը հայտարարել էր, որ Լեռնային Ղարաբաղում տեղի ունեցող իրադարձությունները ցույց են տալիս, որ անհրաժեշտ է դիվերսիֆիկացնել հարաբերությունները։

«Մենք մեր հայ ընկերների հետ զրույցում ակնկալում ենք ստանալ այդ մասին ամբողջ տեղեկությունը։ Եվ, իհարկե, անիմաստ է Ռուսաստանի և Հայաստանի շփումը թերթերի միջոցով, առավել ևս՝ Wall Street Journal-ի։ Ուստի մենք շարունակում ենք երկխոսությունը մեր հայ ընկերների հետ։ Ռուսական կողմը շարունակում է Բաքվին և Երևանին օգնելու փորձերը»,- ասել է Պեսկովը։