«Կասկածներ կան, որ ԵՄ-ը ֆինանսավորել է ՀԱՄԱՍ-ին». Եվրոխորհրդարանի անդամ

Եվրոխորհրդարանի ֆրանսիացի անդամ Ժորդան Բարդելան դիմել է Եվրոհանձնաժողովին՝ կապված ԵՄ-ի կողմից ՀԱՄԱՍ-ին հնարավոր ֆինանսական աջակցության հարցի հետ: Lenta-ն ներկայացրել է խորհրդարանականի տեքստը. «Իսրայելում իսլամիստական խոշոր ահաբեկչությունից հետո կասկածներ առաջացան, որ ԵՄ-ի միջոցները կարող են ուղղակիորեն կամ անուղղակիորեն նպաստել ՀԱՄԱՍ-ի ֆինանսավորմանը: Եվրոհանձնաժողովը հայտարարել է, որ կվերանայի ԵՄ բոլոր միջոցները, որոնք ուղղվել են Գազայի հատվածին: Այս վերանայման նպատակն է ապահովել, որպեսզի ԵՄ որևէ ֆինանսավորում անուղղակիորեն թույլ չտա ահաբեկչական կազմակերպությանը հարձակումներ իրականացնել Իսրայելի վրա»,- ասվում է Բարդելայի տեքստում:

Այդ կապակցությամբ պատգամավորը ԵՀ ներկայացուցիչներին հարց է տալիս հանձնաժողովի իրականացրած ստուգման արդյունքների վերաբերյալ. «Այս ներքին ստուգման շրջանակներում արդյո՞ք Եվրոհանձնաժողովին հայտնի է դարձել ԵՄ որևէ հիմնադրամի մասին, որն իսկապես օգնում է իսլամիստական ահաբեկչական ՀԱՄԱՍ կազմակերպությանը»: