«Երևանը հրաժարվել է Մոսկվայում հանդիպումից՝ հանուն ԱՄՆ-ի». Զախարովա

Հայաստանի ազգային անվտանգության խորհրդի քարտուղար Արմեն Գրիգորյանը Մոսկվայում պետք է մասնակցեր ԱՊՀ երկրների անվտանգության խորհուրդների քարտուղարների նիստին, սակայն հրաժարվել է՝ ընդունելով ԱՄՆ Պետդեպարտամենտի Հարավային Կովկասի հարցերով ավագ խորհրդականին։ Այս մասին այսօր ճեպազրույցի ժամանակ հայտարարել է ՌԴ ԱԳՆ պաշտոնական ներկայացուցիչ Մարիա Զախարովան:
«Բայց հետ նա հայտնեց, որ չի կարող գալ, քանի որ գրաֆիկը փոխվել է, սակայն ավելի ուշ տեղեկացանք, որ նա Երևանում ընդունել է ԱՄՆ Պետդեպարտամենտի Հարավային Կովկասի հարցերով ավագ խորհրդականին: Ինքներդ եզրակացություններ արեք: Չնայած դրան՝ Հայաստանը միջոցառմանը ներկայացված էր Ռուսաստանում իր դեսպանի մակարդակով և մասնակցում էր նիստին»,- ասել է Զախարովան: