Բաքուն արձագանքել է Փաշինյանի ելույթին

Ադրբեջանի ԱԳՆ-ն արձագանքել է ՀՀ վարչապետ Նիկոլ Փաշինյանի՝ «Փարիզի խաղաղության 6-րդ համաժողով»-ի շրջանակում ունեցած ելույթին։ «Կոչ ենք անում հայկական կողմին հրաժարվել խաղաղության հեռանկարներին վնասող հայտարարություններից և օգտագործել ստեղծված պատմական հնարավորությունները՝ Հարավային Կովկասը վերածելու խաղաղության և համագործակցության տարածաշրջանի։ Մերժում ենք Հայաստանի վարչապետի այն պնդումները, թե Ղարաբաղի տարածաշրջանի հայ բնակիչները էթնիկ զտումների են ենթարկվել։ Նրանց՝ Ղարաբաղից Հայաստան վերաբնակեցումն իրենց անձնական որոշումն է եղել և ոչ մի կապ չունի հարկադիր վերաբնակեցման հետ»,- նշված է թշնամի երկրի ԱԳ նախարարության հաղորդագրության տեքստում։