«ՄԱԿ-ի մշտական անդամության և վետոյի համակարգը պետք է փոխվի»․ Էրդողան

Թուրքիայի նախագահ Ռեջեփ Թայիփ Էրդողանը լրագրողների հետ ճեպազրույցում հայտնել է, որ ՄԱԿ-ը լուրջ բարեփոխումների կարիք ունի՝ կազմակերպությունն ավելի գործունակ դարձնելու և այն ոչնչացումից փրկելու համար, փոխանցում է ТАСС-ը։ «Ես միշտ ասել եմ, որ համաշխարհային համակարգն անարդար է, որ միջազգային կազմակերպությունները ծառայում են իշխանության շահերին, որ աշխարհակարգն ուղղորդում են միայն հինգ երկրների շահերին համապատասխան։ ՄԱԿ-ի մշտական անդամության և վետոյի համակարգը պետք է փոխվի․ աշխարհի ապագան և ժողովուրդների կյանքը չեն կարող հանձնված լինել վետոյի իրավունք ունեցող հինգ երկրների ողորմածությանը»,- ասել է Էրդողանը։