Արևմտյան ԶԼՄ-ներն անդրադարձել են Մասքի՝ Իսրայել այցին

Արևմտյան ԶԼՄ-ներն անդրադարձել են ամերիկացի միլիարդատեր, Tesla և SpaceX ընկերությունների, X սոցցանցի ղեկավար Իլոն Մասքի՝ Իսրայել կատարած այցին:
Ավելի վաղ Մասքը հայտնել էր, որ Starlink-ի տերմինալներ կտրամադրվեն Գազային օգնություն ցուցաբերող միջազգայնորեն ճանաչված կազմակերպություններին: Ի պատասխան՝ Իսրայելի կապի նախարար Շլոմո Կարխին ասել է, որ Թել Ավիվը կօգտագործի բոլոր հասանելի միջոցները, որպեսզի կանխի Starlink-ի արբանյակային կապի օգտագործումը ՀԱՄԱՍ-ի կողմից:
Գործարարը նաև համաձայնել է X-ում կատարված գրառումներից մեկի հետ, որի հեղինակը կարծիք է հայտնել, որ հրեական համայնքներն «ատելություն են հրահրում»: Դա հանգեցրել է Սպիտակ տան քննադատության և գովազդատուների զանգվածային հեռացմանը Մասքի հարթակից, նշում է CNN-ը:
«Վեճերն արագորեն վերածվել են հսկայական կոմերցիոն գլխացավի ընկերության համար. առնվազն մեկ տասնյակ խոշոր բրենդներ դադարեցրել են X սոցիալական ցանցում գովազդը: Դրանց թվում են Disney-ը, IBM-ը, Fox Sports-ը և նույնիսկ Եվրոհանձնաժողովը»,- նշում է հեռուստաալիքը:
The New York Times թերթը կարծում է, որ սկանդալի ֆոնին Իլոն Մասքը որոշել է այցելել Իսրայել, որպեսզի հանգստացնի հակասեմական դավադրության տեսությանը նրա աջակցության վերաբերյալ բողոքները:
«Իսրայել ժամանելուց հետո Մասքը գրել է, որ «գործերն ավելի հնչեղ են, քան խոսքերը»: Հագնելով զրահաբաճկոն՝ նա շրջայց է կատարել իսրայելական Քֆար Ազա քաղաքում, որտեղ տասնյակ մարդիկ են սպանվել հոկտեմբերի 7-ին ՀԱՄԱՍ-ի ահաբեկչական հարձակման ժամանակ»,- ասվում է հոդվածում:
Մասքը համաձայնել է, որ կարևոր է նվազագույնի հասցնել անկլավում քաղաքացիական բնակչության շրջանում կորուստները:
Իր հերթին, Bloomberg գործակալությունն ուշադրություն է հրավիրել այն հանգամանքի վրա, որ Իլոն Մասքը հայտարարել է, որ կցանկանար օգնել Գազայի հատվածի վերականգնմանը ՀԱՄԱՍ-ի հետ պատերազմից հետո:
Գործակալության տվյալներով՝ այցից հետո սոցցանցում ատելության խոսքի շուրջ քաղաքական փոթորիկը չի հանդարտվել: Փարիզի քաղաքապետ Անն Իդալգոն հայտարարել է, որ հեռանում է հարթակից, քանի որ այն դարձել է «ապատեղեկատվությամբ, հակասեմականությամբ, բացահայտ ռասիզմով և կազմակերպված հետապնդումներով լի հարթակ»:

«ՀՀ քարտեզը չի կարող ամբողջական համարվել, քանի դեռ ադրբեջանական զորքը գտնվում է մեր ինքնիշխան տարածքում»․ Մարիաննա Ղահրամանյան
6204:06
«Կառավարությունը փող չունի, դրանք մեր փողերն են, որ լիուլի մսխում է իր կայֆերի համար»․ Ոսկան Սարգսյան
9001:24
«Եթե ընդդիմությունը գնա հանրաքվեի, դա քաղաքական ինքնասպանություն կլինի»․ Վահե Գրիգորյան
10200:06
«ՀէՑ-ը ստոլբեն լավ գնով չէր առել, խլում են՝ Ադրբեջանի և Թուրքիայի համակարգին կապելու համար»․ Նարեկ Կարապետյան
104Երեկ, 23:36
«Փաշինյանը միացնելու է ռեպրեսիվ մեքենան՝ ՀՀ-ն գլորելով ավտորիտարիզմի անդունդը»․ Միքայել Նահապետյան (տեսանյութ)
107Երեկ, 23:06
Իրանի հարավում հզոր պայթյուն է տեղի ունեցել
192Երեկ, 22:31
«ՆԳՆ-ից պահանջել եմ անձնագրիս մեջ ծննդավայրս չնշել Ադրբեջան, եթե մերժեն՝ կդիմեմ ՄԻԵԴ»․ Արտակ Բեգլարյան
97Երեկ, 22:18
«Պետք է հնարավորինս չընկնենք հիստերիկայի օրակարգի մեջ․ դա Նիկոլի օրակարգն է»․ Արտակ Հարությունյան
94Երեկ, 22:06