«Եթե Հարավային Կորեան սպառնա մեզ, գործի կդնենք մեր ողջ զինանոցը». Կիմ Չեն Ըն

Հարավային Կորեան դարձել է Հյուսիսային Կորեայի համար առավել թշնամական պետություն: Սեուլի կողմից ռազմական սադրանքի դեպքում Փհենյանն առանց վարանելու իր ողջ զինանոցը կկիրառի այդ երկիրը ոչնչացնելու համար: Այս մասին հայտարարել է Հյուսիսային Կորեայի առաջնորդ Կիմ Չեն Ընը, հաղորդում է Կորեայի կենտրոնական հեռագրային գործակալությունը:

«Եթե Կորեայի Հանրապետությունը փորձի զինված ուժերն օգտագործել մեր պետության դեմ կամ սպառնա մեր ինքնիշխանությանն ու անվտանգությանը, մենք առանց վարանելու գործի կդնենք առկա միջոցների և ուժերի ողջ զինանոցը, որպեսզի այն ամբողջությամբ ոչնչացնենք: Քանի դեռ Կորեայի Հանրապետության իշխանությունները չեն գիտակցում Հյուսիսային Կորեայի հետ առճակատման ինքնասպան քաղաքականության սխալ լինելը, մեր հանրապետությունն անփոփոխ կշարունակի գործողությունները՝ հիմնված արդար պայքարի սկզբունքների վրա»,- ասել է Կիմ Չեն Ընը: