Մասքի ընկերությունը երկրորդ կամավորի ուղեղում իմպլանտ տեղադրելու թույլտվություն է ստացել

Իլոն Մասքի Neuralink ընկերությունն ԱՄՆ Սննդի և դեղերի վարչության (FDA) կողմից թույլտվություն է ստացել՝ երկրորդ չիպը տեղադրելու երկրորդ անձի ուղեղում։ Այս մասին X սոցցանցում գրել է Մասքը։

«Սա մեր Telepathy ուղեղի իմպլանտն է, որը թույլ է տալիս մտքի ուժով կառավարել հեռախոսն ու համակարգիչը»,- գրել է Մասքը։

Ներդրվող սարքը պարկուճ է, որն ամրացվում է ականջի հետևում և դրա միջոցով ուղեղ են փոխանցվում թելանման էլեկտրոդներ։

Փետրվարին հայտնի էր դարձել, որ առաջին իմպլանտով կամավորը կարողացել է մտքի ուժով կառավարել համակարգչային մկնիկը։