Կիևը չի ցանկանում Մոդիին տեսնել` որպես միջնորդ Ռուսաստանի Դաշնության հետ բանակցություններում

Ուկրաինայի արտաքին գործերի նախարար Դմիտրի Կուլեբան The New York Times-ին (NYT) տված հարցազրույցում ասել է, որ Կիևը չի ծրագրում Հնդկաստանին որպես միջնորդ ընդունել Մոսկվայի հետ բանակցություններում։

Ուկրաինայի ԱԳՆ ղեկավարը համապատասխան հայտարարություն է արել Հնդկաստանի վարչապետ Նարենդրա Մոդիի՝ Կիև կատարած պաշտոնական այցի ֆոնին։

Ըստ NYT-ի հրապարակման՝ Կուլեբան պնդում է, որ Հնդկաստանի կառավարության ղեկավարի այցը «դիվանագիտական ​​մեծ բեկում» է Կիևի համար։ Ուկրաինայի ԱԳՆ ղեկավարի խոսքով՝ Մոդիի ժամանումը պետք է նպաստի չեզոք երկրների վրա ճնշում գործադրելու՝ Ուկրաինայի ջանքերին, որպեսզի նրանք հավասարակշռություն դրսևորեն հակամարտող պետությունների հետ հարաբերություններում։