ԱՄՆ-ն կկորցնի իր ռազմական հեղինակությունը, եթե Վաշինգթոնը թույլ տա Ուկրաինային պարտվել. The Guardian

ԱՄՆ-ն կկորցնի իր ռազմական հեղինակությունը, եթե Վաշինգթոնը թույլ տա Ուկրաինային պարտվել Ռուսաստանի Դաշնության (ՌԴ) հետ հակամարտությունում։ Այս մասին հայտնում է The Guardian-ը՝ վկայակոչելով Կիևի անվտանգության անանուն պաշտոնյային։ Աղբյուրի զրուցակիցը կարծում է, որ ԱՄՆ-ն արդեն բախվել է աղետի, երբ 2021 թվականին ամբողջությամբ դուրս բերեց իր զորքերն Աֆղանստանից։

«Երեք տարի անց եթե նրանք կորցնեն Ուկրաինան, կկորցնեն ամբողջ (ռազմական իշխանությունը)»,- ասել է ուկրաինացի պաշտոնյան։

Ավելի վաղ ՌԴ նախագահ Վլադիմիր Պուտինը BRICS-ի անդամ երկրների առաջատար լրատվամիջոցների ղեկավարների հետ հանդիպման ժամանակ հայտարարել էր, որ Մոսկվան պատրաստ է շարունակել պայքարը՝ ասելով, որ հաղթանակը կլինի ՌԴ-ինը: