«Եթե Նիկոլի հետ համաձայն չես, իր ասած «ժողովուրդը» չես»․ Կարեն Վրթանեսյան

Ռազմական փորձագետ Կարեն Վրթանեսյանի ֆեյսբուքյան գրառումը. «Թանկացումների ու հարկաքերության այս կամ այն դրվագը «այ Եվրոպայում ըսենց ա», «այ Ամերիկայում ըտենց ա» տիպի ֆլան-ֆստաններով հիմնավորելը վալիդ չէ նաև այն պատճառով, որ այդ երկրներից և ոչ մեկում օկուպացիոն վարչակարգեր չեն իշխում։
Ինչքան էլ այդ երկրների էլիտաները գործեն իրենց անձնական շահերից ելնելով (ինչն ընդհանրապես բնորոշ է բոլոր էլիտաներին), իրենք գոնե իրենց երկրների թշնամին չեն։
Մեր վճարված հարկերը ոչ թե հայկական պետությանն են գնում, այլ այդ պետությունը թուլացնելուն, հայկական շահը ոտնահարելուն, հայկական հողը հանձնելուն, միջազգային ասպարեզում Հայաստանի դիրքերը թուլացնելուն, Սփյուռքը քանդելուն, Արցախը մոռացության մատնելուն։
Այս իշխանությունները, երբ ասում են «պետություն», նկատի ունեն միայն Նիկոլին, իսկ երբ ասում են «ժողովուրդ», նկատի չունեն հայ ժողովրդին, նկատի չունեն ՀՀ քաղաքացիներին։
Նիկոլի ասած «ժողովուրդը» աբստրակտ հասկացություն է, որը ժամանակի ցանկացած պահին անվերապահորեն իր հետ համաձայն է, նույնիսկ երբ իրարամերժ բաներ է ասում։ Եթե Նիկոլի հետ համաձայն չես, ուրեմն արդեն իր ասած «ժողովուրդը» չես։
Ժողովուրդը որպես միակուռ, միակարծիք, համասեռ «մարմին» դիտարկելը և որպես այդ «ժողովրդի» միասնական կամքի միակ արտահայտող հանդես գալը բնորոշ է բոլոր պոպուլիստ բռնապետներին, պոպուլիստական ստանդարտ հնարք է։
Սակայն մեր պոպուլիստ բռնապետը նաև ատում է Հայաստանը և հայ ազգը, և ունի շահերի համընկնում Հայաստանի թշնամիների հետ»։