«Վարչապետի շրջապատում վախենում են հակառակվել, ասում են՝ жираф большой ему видней»․ Հովիկ Աղազարյան

ԱԺ պատգամավոր և «Միացյալ ազգային սոցիալիստական կուսակցության» (ՄԱՍԿ) ղեկավար Հովիկ Աղազարյանն «ԱրմԼուր»,- ի հետ զրույցում անդրադառնալով հարցին, թե Փաշինյանի թիմում չկա՞ն մարդիկ, որոնք իրեն ասում են՝ դուք ձեզ սպառել եք, ՔՊ-ից հիասթափություն կա, Աղազարյանը նշեց․ «Չէ՛, չեն ասում, որովհետև պարոն վարչապետը գնում է դեպի ավտորիտար իշխանության, և իր շրջապատում բոլորն ասում են՝ жираф большой ему видней, բայց չեն ուզում հակառակվել։ Երբ որ կարծիքներ չեն հայտնում, ղեկավարն ինքն է բոլոր որոշումներն ընդունում»։

Հարցին, թե կարծիք չեն արտահայտում՝ ելնելով վախից, որ Աղազարյանի ճակատագրին կարժանանան, նախկին ՔՊ-ականն արձագանքեց․ «Բա իհարկե, շատերը դրանից են անհանգստանում, մի մասն էլ կարծում է, որ վարչապետն ինչ ասում է, ճիշտ է, և ամենավտանգավորը նրանք են»։

«Երբ որ ես պատգամավոր դարձա, նստեցի հայելու առաջ ու ինքս ինձ ասացի՝ քեզ խելոք կպահես, մեկ-երկու համբերեցի, տեսա՝ էլ չ լինում»,- հավելեց Աղազարյանը։