Սպանության մեջ կասկածվողը փախել է. «Հրապարակ»

«Հրապարակ»-ը գրում է. «Նոր մանրամասներ են հայտնի դարձել Վաղարշապատի համայնքապետ Դիանա Գասպարյանի ամուսնու՝ ավագանու անդամ Արամայիս Միրզոյանի հորը պատկանող գազալցակայանում տեղի ունեցած սպանությունից։ Մարտի 21-ի գիշերը Արտիմետ խճուղի 1 հասցեում գտնվող բենզալցակայանում սպանվել էր 36-ամյա Արթուր Պարոնյանը։ Մեր տեղեկություններով՝ սպանության մեջ կասկածվողը Վաղարշապատի Բոյնի կոչվող թաղամասի բնակիչ Կարեն Բադամյանն է, մականունը՝ Ճապ։ Մեզ պատմեցին, որ նա շատ մտերիմ է քաղաքապետի ամուսնու՝ Արամայիս Միրզոյանի հետ, և չբացառեցին, որ վեճի և սպանության պատճառը հենց քաղաքապետի ամուսնու «թեման է»։ «Ճապն ու Արամիկն իրար հալալ են պրիզնատ գալիս, ու էս թեման շատ շուտվա բազառ ա։ Ճապը գողական ա գնում, բայց զակոննի գող չի, նախկինում էլ ա աչքի ընկել նմանատիպ պատմություններով»,- մեզ ասաց Վաղարշապատի բնակիչներից մեկը:
Կարեն Բադամյանը, մեր տեղեկություններով, սպանությունից հետո դիմել է փախուստի, նրան իրավապահները դեռ չեն հայտնաբերել»:

Մանրամասները՝ սկզբնաղբյուրում: