Ճրագալույցի պատարագ․ ՈՒՂԻՂ ՄԻԱՑՈՒՄ

Հարության տոնին ընդառաջ հայոց եկեղեցիներում ընթանում է Ճրագալույցի պատարագը։

Ճրագալույցի Ս. Պատարագի վերջում ի լուր աշխարհի տրվում է Սուրբ Հարության Ավետիսը՝ «Քրիստոս Յարեաւ ի մեռելոց: Օրհնեալ է Յարութիւնն Քրիստոսի»:

Հենց Ճրագալույցի պատարագով է սկսվում Հարության տոնը: Կիրակի Հարության պատարագներ կմատուցվեն հայոց բոլոր գործող եկեղեցիներում:

Հիշեցնենք՝ Հայ Առաքելական Սուրբ եկեղեցին հինգ տաղավար տոներից երկուսի՝ Սուրբ Ծնունդի և Սուրբ Զատկի նախորդ օրերը կոչում է ճրագալույց: «Ճրագալույց» անունը ծագել է «ճրագ լուցանել» արտահայտությունից, որ նշանակում է ճրագ վառել, մոմ վառել: Հայ եկեղեցին տարվա մեջ երկու անգամ է երեկոյան Սուրբ Պատարագ մատուցում՝ Սուրբ Ծննդյան և Սուրբ Զատկի ճրագալույցներին: