«Նորությո՞ւն է, որ ընդդիմադիրների ընկալմամբ էդ մարդիկ ցույցի մատերիալ են»․ Վահագն Ալեքսանյանը՝ արցախցիների մասին

Լրագրողների հետ ճեպազրույցի ժամանակ ՔՊ-ական պատգամավոր Վահագն Ալեքսանյանը մեղադրեց ընդդիմադիր լրատվականներին՝ Բաքվում ընթացող դատերը ՀՀ-ի շահերից չբխող տեսանկյունից լուսաբանելու և ատելության խոսք տարածելու մեջ։ Լրագրողների դիտարկմանը, թե բոլորը պետք է Հ1 լինե՞ն, Ալեքսանյանը հեգնեց, թե «Հ1-ը չի կարող մագլցել ընդդիմադիր լրատվականների սահմանած գագաթը»։
Հակադարձելով Ալեքսանյանի՝ ատելության խոսք տարածելու մեղադրանքներին, լրագրողը հարցրեց․ «Իսկ երբ Նիկոլ Փաշինյանն ԱԺ ամբիոնից ասում է, որ ընդդիմադիրները արցախցիներին օգտագործում են որպես ցույցի մատերիալ, նորմա՞լ է»։
Ալեքսանյանը ասաց․ «Նորությո՞ւն է, որ ընդդիմադիրների ընկալմամբ էդ մարդիկ ցույցի մատերիալ են։ Հենց սա է եղել ընդդիմադիրների մոտիվներից մեկը, որ ԼՂ-ի հայությունը դուրս գա ԼՂ-ից»։