Շաբաթ, 20 դեկտեմբերի, 2025 թ.
|
Ստեփանակերտում`   +5 °C

«Եթե ԱՄՆ-ն դուրս գա բանակցային գործընթացից, Իրանը սովից չի մեռնի»․ Փեզեշքիան

«Եթե ԱՄՆ-ն դուրս գա բանակցային գործընթացից, Իրանը սովից չի մեռնի»․ Փեզեշքիան
792
Երեքշաբթի, 27 մայիսի, 2025 թ., 10:28

Եթե ԱՄՆ-ն որոշի դուրս գալ Իրանի հետ բանակցային գործընթացից, Իրանը սովից չի մեռնի։ Այս մասին հայտնել է Իրանի նախագահ Մասուդ Փեզեշքիանը։

«Եթե ԱՄՆ-ն հանկարծ որոշի դուրս գալ Իրանի հետ բանակցային գործընթացից և մեր դեմ ավելի խիստ պատժամիջոցներ կիրառի, Իրանում ոչ ոք սովից չի մեռնի։ Մենք կգտնենք ելք»,- ասել է նա՝ ընդգծելով, որ նման պարագայում իրանցիները պետք է համախմբվեն և գործեն միասին։

Հիշեցնենք՝ ԱՄՆ-ն և Իրանն անուղղակի բանակցությունների 5 փուլ են անցկացրել Իրանի միջուկային ծրագրի շուրջ։ Վերջին անգամ ԱՄՆ-ի և Իրանի պատվիրակություններն Օմանի միջնորդությամբ հանդիպել են Հռոմում՝ մայիսի 23-ին։

Ավելի ուշ ԱՄՆ նախագահ Դոնալդ Թրամփը հանդիպման հետ կապված՝ հայտարարել էր, որ ԱՄՆ-Իրան բանակցություններում որոշակի առաջընթաց է գրանցվել։