Միշուստինը վաղաժամ լքել է ԵԱՏՄ միջկառավարական խորհրդի նիստը

ՌԴ վարչապետ Միխայիլ Միշուստինը վաղաժամ լքել է Ղրղզստանում ընթացող Եվրասիական միջկառավարական խորհրդի նիստը՝ կապված Ալյասկայում կայանալիք Ռուսաստանի և ԱՄՆ-ի գագաթնաժողովի հետ, հաղորդում է ՌԻԱ Նովոստիի թղթակիցը։
Եվրասիական միջկառավարական խորհրդի նիստը տեղի է ունենում Ղրղզստանի Չոլպոն-Ատա քաղաքում։ Ներկա է նաև ՀՀ փոխվարչապետ Մհեր Գրիգորյանը։
Հիշեցնենք՝ Ալյասկայի Անքորիջ քաղաքում նախատեսված է Ռուսաստանի և ԱՄՆ նախագահներ Վլադիմիր Պուտինի և Դոնալդ Թրամփի հանդիպումը։ Հանդիպման կենտրոնական թեման կլինի ուկրաինական ճգնաժամի կարգավորումը, հայտարարել է Ռուսաստանի նախագահի արտաքին քաղաքականության հարցերով օգնական Յուրի Ուշակովը։