«Խաղաղության պահպանման երաշխիքը փոխշահավետությունն է»․ Արարատ Միրզոյան

ԱԳ նախարար Արարատ Միրզոյանն Աժ-ում 2026-ի բյուջեի նախագծի նախնական քննարկումների ժամանակ անդրադարձավ ՀՀ-ի և Ադրբեջանի միջև խաղաղության հաստատմանն ու ստորագրված փաստաթղթերի բովանդակությանը։ Խոսելով պայմանավորվածությունների հարատևման մասին՝ նշեց․ «Երաշխիք ասելով՝ մշտապես նկատի է առնվել 3-րդ՝ ուժեղ կողմի ստորագրությունը կամ որևէ երաշխիքը։ Ե՛վ մեր, և՛ այլ բազմաթիվ օրինակներ կան, որ նման երաշխիքները չեն գործել։ Միակ երաշխիքը, որ կպահի ՀՀ-ի և Ադրբեջանի միջև հաստատված խաղաղությունն, այն է, որ ձեռք բերված պայմանավորվածությունները փոխշահավետ են։ Այս փոխշահավետությունն է, որ ապահովելու է պայմանավորվածությունների հետագա ընթացքն ու հարատևությունը»,- ասաց Միրզոյանը։