«Գլխավոր ոճրագործը երբեք չի ընդունելու, որ իրեն ուղղորդել են». Արամ Սարգսյան

«Նիկոլ Փաշինյանն ընդդիմադիր եղած ժամանակ ասում էր՝ Հոկտեմբերի 27-ը կբացահայտվի, եթե իշխանափոխություն լինի: 7 տարի է՝ իրենք իշխանության են, բայց փաստացի բացահայտված չէ. ո՞վ է խանգարում»,- ԱԺ բակում դիմելով «Հանրապետություն» կուսակցության նախագահ, Վազգեն Սարգսյանի եղբայր Արամ Սարգսյանին՝ հարցրին լրագրողները: «Վարկածը, որ կա արտաքին քաղաքական հետք՝ կապված Մեղրիի տարբերակով, ստուգված չէ, ինչ վերաբերում է ներքին վարկածին, որովհետև արտաքին ուժերը ինչքան էլ հզոր լինեն, եթե ներքին աջակիցներ չունենան, նման օպերացիա իրականացնել չեն կարող... Ես երեք անգամ հարցաքննվել եմ, բավականին երկար, հոգնեցնող հարցաքննություն էր: Բազմաթիվ խնդիրներ կան, որոնք վերաբերում են նաև այն մարդկանց, որոնք այսօր կամ չկան, կամ բացակայում են երկրից: Երկրորդ, գլխավոր ոճրագործը երբեք չի ընդունելու, որ իրեն ուղղորդել են»,- ասաց Սարգսյանը: