«Նիկոլ Փաշինյանն իր կաշին ու կաշվե աթոռը փրկելու համար մատաղ է արել մեր զինվոր տղերքի կյանքերը»․ Հայկ Մամիջանյան

«Վերջերս մամուլում տարածվեց մի տեղեկատվություն, որ Փաշինյանը 2018 թվականին խոստացել է կարգավորել գործընթացը, իսկ 2019-ին ասել է, որ իրեն կսպանեն, եթե ինքը դա անի։ Ու եթե դա համադրում ես այն փաստի հետ, որ նա հոկտեմբերի 19-ին չարեց անհրաժեշտը՝ պատերազմը կանգենցնելու համար, հետո էլ պատճառաբանեց, որ իրեն դավաճան կհամարեին այդ պարագայում, մենք գալիս ենք մի պարզ եզրակացության»,- այս մասին ԱԺ-ում հայտարարությունների ժամին նշեց ԱԺ «Պատիվ ունեմ» խմբակցության ղեկավար Հայկ Մամիջանյանը։

«Նիկոլ Փաշինյանը երկու անգամ՝ մի անգամ իր կաշին, մյուս անգամ՝ իր կաշվե աթոռը փրկելու համար մատաղ է արել մեր զինվոր տղերքի կյանքերը»,- պարզաբանեց Մամիջանյանը՝ հավելելով՝ այստեղ այլ քննարկման տարբերակ չկա»։