Անսովոր միջոց՝ քունը հեշտացնելու համար

Բրիտանացի սոմնոլոգներ Էլլի Հարը՝ Բրոմփթոնի թագավորական հիվանդանոցից, և Քլեր Ռումսը խորհուրդ են տվել քնելուց առաջ լոգանք ընդունել մթության մեջ կամ աղոտ լուսավորության պայմաններում՝ որպես քունը հեշտացնելու միջոց։ Մասնագետների խորհուրդները ներկայացրել է Daily Mail պարբերականը։

Մասնագետների խոսքով՝ սկզբում այս պրակտիկան տարածում է ստացել սոցիալական ցանցերի շնորհիվ․ օգտատերերը նշել են, որ քնելուց առաջ լոգանք ընդունելը օգնում է մարդկանց ավելի արդյունավետ քնել, եթե խուսափեն պայծառ լույսից: Սոմնոլոգները բացատրել են, որ այդ ազդեցությունը պայմանավորված է ֆիզիոլոգիական մեխանիզմներով։

«Տաք ջուրը նպաստում է մարմնի ջերմաստիճանի հետագա նվազմանը, հենց այդ գործընթացն է օրգանիզմի համար քնի կարևոր ազդանշան։ Լրացուցիչ դեր ունի նաև աղոտ լուսավորությունը․ այն օգնում է անցնել հանգստի ռեժիմի և խթանում է մելատոնինի՝ ցիրկադային ռիթմերը կարգավորող հորմոնի արտադրությունը», — բացատրել է բժիշկ Հարը։

Քլեր Ռումսը նշում է, որ մթության մեջ լոգանք ընդունելը չի ​​կարող փոխարինել քնի հետ կապված լուրջ խանգարումների բուժմանը: Այնուամենայնիվ, այս հանգստացնող պրակտիկան օգնում է նվազեցնել գրգռվածությունը և պատրաստել մարմինը քնի, ինչը հատկապես արդիական է թեթև անքնության դեպքում: