ՄԱԿ-ը Վենեսուելայի քաղաքական ուժերին «ժողովրդավարական երկխոսության» կոչ է արել

ՄԱԿ-ը կոչ է անում Վենեսուելայի բոլոր քաղաքական ուժերին մասնակցել «ներառական ժողովրդավարական երկխոսության»՝ երկրի ապագան որոշելու համար, հայտարարել է ՄԱԿ-ի գլխավոր քարտուղար Անտոնիո Գուտերեշը։
«Վենեսուելան տասնամյակներ շարունակ ապրել է ներքին անկայունություն և սոցիալ-տնտեսական ճգնաժամ։ Ժողովրդավարությունը խաթարվել է։ Միլիոնավոր մարդիկ լքել են երկիրը... Ես կոչ եմ անում Վենեսուելայի բոլոր գործիչներին մասնակցել ներառական ժողովրդավարական երկխոսության, որի միջոցով հասարակության բոլոր հատվածները կարող են որոշել իրենց ապագան»,- ասվում է ՄԱԿ-ի գլխավոր քարտուղարի տեղակալ Ռոզմարի Դի Կառլոյի կողմից կարդացված հայտարարության մեջ։