ԱՄՆ-ն չի ցանկանում, որ Ռուսաստանը և Իրանը «նշանակալի դեր» խաղան Վենեսուելայում

ԱՄՆ-ի էներգետիկայի նախարար Քրիս Ռայթը հայտարարել է, որ ԱՄՆ-ն չի ցանկանում, որ Ռուսաստանը և Իրանը «նշանակալի դեր» խաղան Վենեսուելայում. ընդ որում, Իրանը նա դասակարգել է՝ որպես «ահաբեկչական կազմակերպություն»։
«Մենք չենք ցանկանում, որ Իրանը, այլ ահաբեկչական կազմակերպությունները և Ռուսաստանը նշանակալի դեր խաղան Վենեսուելայում», - Fox Business-ի եթերում ասել է Ռայթը։

Չորեքշաբթի օրը Սպիտակ տան մամուլի քարտուղար Քերոլին Լևիթը ո՛չ հաստատել է, ո՛չ էլ հերքել լրատվամիջոցների այն տեղեկությունները, որ Վաշինգթոնը, իբր, պահանջում է, որ Վենեսուելան ամբողջությամբ խզի կապերը Ռուսաստանի և Չինաստանի հետ։ Ավելի վաղ ABC-ն, հղում անելով Սպիտակ տան դիրքորոշմանը ծանոթ աղբյուրներին, հաղորդել էր, որ ԱՄՆ-ն պահանջում է, որ Վենեսուելայի նոր կառավարությունը հրաժարվի Ռուսաստանի, Չինաստանի, Իրանի և Կուբայի հետ համագործակցությունից։