«Վահա՛գն, դու դեռ քաշ պետք է հավաքես». Ալիկ Ալեքսանյան

«Մեր ձևով» շարժման համակարգող խորհրդի անդամ Ալիկ Ալեքսանյանը, ֆեյսբուքյան իր էջում դիմելով ՔՊ-ական պատգամավոր Վահագն Ալեքսանյանին, նշել է. «Վահա՛գն, դու դեռ քաշ պետք է հավաքես՝ կիլոգրամներ չէ, քաղաքական կշիռ»:

Հիշեցնենք՝ նախօրեին Վահագն Ալեքսանյանը ֆեյսբուքյան իր էջում գրել էր. ««Ֆակտոր» և «Ազատություն» լրատվականները պատրաստակամություն են հայտնել հյուրընկալելու իմ և Նարեկ Կարապետյանի բանավեճը։
Մնում է՝ պարոն Կարապետյանը համաձայնի իմ ու թիմակիցներիս ՆԿԱՐՆԵՐԻ հետ բանավեճից անձամբ ինձ հետ բանավիճելու անցնելու։
Իհարկե, ընտրությունը իրենն է, կարող է հերթական նկարս տպել ու միայնակ բանավիճել, հաղթել բանավեճում։ Բայց դե արդեն որպես իրական բանավեճից փախած մեկը, որը սակայն երկու րոպեն մեկ պնդում է, որ իրենք ուժեղ են, շատ ուժեղ, անսահման ուժեղ։ Երևի ուժեղությունն ապացուցելու համար հաջորդ անգամ թղթի վրա փիղ կնկարեն ու կճղեն»: