«Կառավարիչը փորձեց սրբագրել իր ղեկավարի հայտարարությունը»․ Դավիթ Ղազինյան

«Շատ դժվար է մեկնաբանել՝ անմեկնաբանելին»,- այսօր ասուլիսի ժամանակ այսպիսի գնահատական տվեց ՀԷՑ-ի նախկին տնօրեն Դավիթ Ղազինյանը՝ վարչապետ Նիկոլ Փաշինյանի երեկվա ասուլիսի ժամանակ հնչեցված այն մտքին, որ ՀՀ-ում չկա գոնե 1 ընտանիք, որից ՀԷՑ-ը նախորդող շրջանում փող չի գողացել։ «Երբ երկրի ղեկավարը կառավարության շենքում ամենայն պատասխանատվությամբ, ինչքան հիշում եմ, հայտարարում է, որ ՀԷՑ-ը գողացել է ամեն ընտանիքից, սրա մեկնաբանությունը հերքում են անգամ իրենք։ Այսօր կառավարիչը փորձեց սրբագրել իր ղեկավարի արած հայտարարությունը, բայց դե հո չի կարող ասել, որ այդպիսի բան չկա․ իր ղեկավարը նշում է ամեն ընտանիք, կառավարչը նշում է տասնյակ հազարավոր ընտանիքներ, արդեն տարբերությունը նկատելի է»,- հավելեց ՀԷՑ նախկին տնօրենը։