«Իրավապահ համակարգը ծառայում է անօրինությանը»․ Ժաննա Ալեքսանյան

Իրավապաշտպան Ժաննա Ալեքսանյանը ֆեյսբուքյան էջում գրել է․ «Դատարանը 3 ամսով երկարացրեց «Իմնեմնիմի» փոդքասթի հեղինակներ Նարեկ Սամսոնյանի և Վազգեն Սաղաթելյանի կալանքը։ Սա բացահայտ մարտահրավեր է հանրությանը՝ ինչ ուզենք կանենք, ինչքան ուզենք բանտում կպահենք։ Ոչ թե արդարադատություն, այլ պատիժ։ Պատիժ, որ վայելի անպատիժ Ալեն Սիմոնյանը։ Հենց վերջինս էր հաղորդում ներկայացրել տղաների դեմ, ավելի շուտ հրահրել այս քրեական գործը։ Նա առաջինն էր տղաներին վիրավորել՝ «շան լակոտ, լածիրակ» անվանել, ու ստացել վերջիններիս կոշտ պատասխանանը։ Իսկ ինչ անել, երբ բարձր պաշտոն զբաղեցնող անձը թքում է մարդու վրա կամ վիրավորում և անպատիժ է մնում, երբ գլխավոր դատախազը հանցակազմ չի տեսնում, երբ իրավապահ համակարգը ծառայում է անօրինությանը։ Ստիպված ես քո ձևով արձագանքել»։