«Չե՞ք հասկանում, որ կեղծիքի ջրաղացին ջուր լցնող եք դառնում». Տեր Փառեն

Սաղմոսավանքի հոգևոր հովիվ Տեր Փառեն քահանա Առաքելյանի ֆեյսբուքյան գրառումը. «Ափսոս, որ չեք հասկանում, թե ինչ վնաս եք հասցնում մարդկանց և նրանց հոգու փրկությանը, հոգևոր կյանքին ընդհանրապես։ Չե՞ք հասկանում, որ կեղծիքի ջրաղացին ջուր լցնող եք դառնում։ Չե՞ք հասկանում, որ բաժանումի, անջատումի, քաոսի համահեղինակներ եք դառնում։ Չե՞ք տեսնում, որ չարություն սերմանողները, հայհոյալից բերան ունեցողները հաշվում են ձեզ և չարն ինքը ուրախանում ու ցնծում է։ Ինչպես կասեր մտածողը՝ «խղճի վաճառքի գինարբուք է սա»։ Հասկացե՛ք, մի կողմում ամոթն է և քաոսը, մյուս կողմում հավատարմությունն է և հոգևոր անդորրը։ Ափսոս եք, ձեզ մի՛ վնասեք։ Սա էլ է անցնելու։ Աստված օգնական, ՎԵՀԱՓԱՌ ՏԵՐ»: