«Դեկտեմբերին ՀՀ ՊՆ-ն ունեցել է զրո զորավարժություն և զրո դաշտային պարապմունք». Գառնիկ Դավթյան

Ադրբեջանագետ, «Մեր ձևով» շարժման անդամ Գառնիկ Դավթյանը ֆեյսբուքյան իր էջում տեսաուղերձով է հանդես եկել, որում առաջարկել է միասին քննարկել, թե խաղաղությունը մեր տարածաշրջանում որքանով է հավանական։ Նա ուսումնասիրել է Ադրբեջանի և Հայաստանի պաշտպանության նախարարությունների միջազգային հանդիպումները, զորավարժությունները և ուսումնական ռազմական դասընթացները։ Ըստ այդմ, Ադրբեջանի պաշտպանության նախարարությունը դեկտեմբեր ամսվա ընթացքում ունեցել է ութ հանդիպում տարբեր պետությունների հետ։ Դրանց գումարած հինգը՝ Թուրքիայի հետ։ Ունեցել է նաև ռազմական պատրաստություն և դասընթացներ վեց անգամ և երեք անգամ էլ հանդիպել է ՆԱՏՕ-ի հետ։ «Այնինչ Հայաստանի պաշտպանության նախարարությանն ամբողջ դեկտեմբեր ամսվա ընթացքում ունեցել է ընդամենը հինգ հանդիպում տարբեր պետությունների հետ և մեկ հանդիպում էլ՝ ՆԱՏՕ-ի հետ։ Իսկ այստեղ ամենակարևորը՝ ուշադրություն՝ ունեցել է զրո զորավարժություն և զրո դաշտային պարապմունք»: