Իրանի փոխնախագահը հայտարարում է բողոքի ակցիաների ժամանակ մահացածների մեծ թվի և դաժանությունների մասին

Վերջին օրերին Իրանում բռնկված բողոքի ակցիաների ժամանակ մահացածների թիվը բարձր է, հայտարարել է Իսլամական Հանրապետության փոխնախագահ և «Նահատակների հիմնադրամի» ղեկավար Ահմադ Մուսավին։
Երեքշաբթի օրն ավելի վաղ Reuters-ը, հղում անելով իրանցի պաշտոնյայի, հայտնել էր, որ Իրանում տեղի ունեցած բողոքի ակցիաների ժամանակ զոհվել է մոտ 2000 մարդ։ «Զինված ահաբեկչական խմբավորումների կողմից բռնության մակարդակն այնքան բարձր էր, որ երկիրը մեծ կորուստներ կրեց»,- IRIB-ը մեջբերել է Մուսավիի խոսքերը։
Փոխնախագահը շեշտել է մարդկանց սպանության դաժանությունը և սպանությունների ժամանակ օգտագործված զենքի բազմազանությունը։ Նա չի նշել մահացածների թիվը։
Մուսավին նաև նշել է, որ մահացածների ընդհանուր թվի երկու երրորդը «նահատակներ» են, եզրույթ, որն Իրանի իշխանություններն օգտագործում են ահաբեկչական հարձակումների զոհ դարձած կամ իրենց ծառայողական պարտականությունները կատարելիս մահացած անձանց նկարագրելու համար։