«Վենսի այս այցի ընթացքում կլինեն նոր զարգացումներ»․ Վահան Կոստանյան

«Պաշտոնապես կարող եմ հաստատել՝ այո՛, ԱՄՆ փոխնախագահ Ջեյ Դի Վենսը պաշտոնական այցով ժամանելու է Հայաստան․ ամսաթվերի մասին հաղորդագրություն կլինի՝ երկու կողմերի հետ համաձայնեցված»,- այս մասին Հանրային հեռուստատեսության հետ զրույցում նշեց ՀՀ արտաքին գործերի նախարարի տեղակալ Վահան Կոստանյանը։

Անդրադառնալով դիտարկմանը, որ ԱՄՆ փոխնախագահի այցը համարվում է նախագահական մակարդակի ուղերձ՝ Կոստանյանը նշեց․ «Այս ուղերձը, կարծում եմ, ոչ միայն Հայաստանին է ուղղված, այլ նաև Հարավային Կովկասին։ ԱՄՆ-ն պատասխանատու է իր ստանձնած հանձնառությունների համար, որպես վկա՝ օգոստոսի 8-ից հետո։ Հայաստան-Միացյալ Նահանգներ հարաբերություններում շարունակում ենք խորացնել ռազմավարական գործընկերությունը, և, վստահաբար, այս այցի ընթացքում կլինեն նոր զարգացումներ, որոնք էլ ավելի կխորացնեն հարաբերությունները և թույլ կտան բացահայտել համագործակցության նոր ոլորտներ։ Կարծում եմ՝ բավականին կարևոր և ազդեցիկ այց է լինելու։