«Ինչպես Կիրկորովը, Սոլովյովը, այնպես էլ Սամվել Կարապետյանը չի կարող լինել ՀՀ վարչապետի թեկնածու». Վահագն Ալեքսանյան

«Ուժեղ Հայաստանի» վարչապետի թեկնածուն տնային կալանքի տակ գտնվող գործարար Սամվել Կարապետյանն է, երեկ կուսակցության համաժողովում հայտարարեց նրա եղբորորդին՝ Նարեկ Կարապետյանը: Հայաստանի օրենսդրությունը սահմանում է, որ և՛ վարչապետի, և՛ պատգամավորի թեկնածուն պետք է լինի վերջին չորս տարում միայն Հայաստանի քաղաքացի հանդիսացող և վերջին չորս տարում Հայաստանի Հանրապետությունում մշտապես բնակվող անձը: «Ուժեղ Հայաստան» կուսակցությունը խնդրի լուծումը տեսնում է հետևյալում՝ հունիսի 7-ին հաղթել խորհրդարանական ընտրություններում և մեծամասնություն վերցնելով՝ խորհրդարանի միջոցով Սահմանադրության 148-րդ հոդվածը փոխել:

Այսօր՝ լրագրողների հետ զրույցում, ՔՊ-ական պատգամավոր Վահագն Ալեքսանյանն ասաց, որ Կարապետյանը չի կարող լինել ՀՀ վարչապետի թեկնածու. «Ես դետալների մեջ չեմ մտնելու, կասեմ, որ նա չի կարող ՀՀ-ում լինել վարչապետ ու վարչապետի թեկնածու: Չի կարող լինել նաև Կիրկորովը, Սոլովյովը, Մադուրոն»: