«Ոստիկանների թիվն աճում է, տեխնիկապես վերազինվում են, բայց կրիմինալը ծաղկում է»․ Կարեն Վրթանեսյան

Ռազմական փորձագետ Կարեն Վրթանեսյանը ֆեյսբուքյան էջում գրել է․ «Որպես Աջափնյակում ծնված, մեծացած ու 25 տարի ապրած մարդ, ասեմ, որ մինչև նիկոլականների գալը, քաղաքի ամենախաղաղ թաղամասերից մեկն էր։
Չեմ ասում կռիվներ չէին լինում, բայց ոչ այս կարգի ու մասշտաբի։
Կոնտեքստը հասկանալու համար. ըստ նկարագրությունների, Թումոյից ընդամենը մի քանի հարյուր մետր հեռավորության վրա է եղել։ Թումոյի, որտեղ և որի շուրջ այդ ժամերին հարյուրավոր երեխաներ են միշտ լինում։
Նրանց, ովքեր կասեն, թե այս հարցը քաղաքականության հետ կապ չունի, հարցնեմ. ինչպե՞ս է լինում, որ ոստիկանների թիվն աճում է, ֆինանսավորումն աճում է, տեխնիկապես անընդհատ վերազինվում են (է՛լ դրոններ, է՛լ գաղտնալսում, է՛լ ինչ ասես), բայց կրիմինալը ծաղկում է»։