«Անցնցում իշխանափոխության թիվ մեկ հնարավորությունն ընտրական ակտիվությունն է»․ Անդրանիկ Թևանյան

«Մայր Հայաստան» կուսակցության նախագահ Անդրանիկ Թևանյանի ֆեյսբուքյան գրառումը․ «Ի՞նչ է նշանակում Գյումրի–2 և ինչո՞ւ է դա անհանգստացնում իշխանությանը.

Երբ սրանք, ըստ Ֆրեյդի, անհանգստանում են Գյումրիի սցենարի կրկնությունից, առաջին հերթին նկատի ունեն հանրային ակտիվությունը, այսինքն՝ ընտրական մասնակցության բարձր թիվը։
Գյումրիում իշխանափոխությունը տեղի ունեցավ առաջին հերթին այն պատճառով, որ գյումրեցին գնաց ընտրատեղամաս։ Դրան նպաստեցին ընտրություններին մասնակցող բոլոր ընդդիմադիր ուժերը, այդ թվում՝ «Մայր Հայաստանը»։ Մնացածն արդեն տեխնիկայի ու տեխնոլոգիայի հարց էր։
Իշխանությունը Գյումրիում անխնա օգտագործեց վարչական ռեսուրսը, բայց բարձր մասնակցությունը չեզոքացրեց վարչական ռեսուրսին, քանզի վերջինս անսահմանափակ չէ։ Որպեսզի այն անսահմանափակ դառնա, արդեն պետք է գործի դրվեն գռեհիկ ու կոպիտ ապօրինությունները, ինչն ընտրական գործընթացը կվերածի լրիվ այլ զարգացումների, որոնց մեղավորն ու պատասխանատուն իշխանությունը կլինի։
Խաղաղ, անցնցում իշխանափոխության թիվ մեկ հնարավորությունն, ըստ այդմ, ընտրական ակտիվությունն է։
«Գյումրի–2»–ը առաջին հերթին նշանակում է ընտրության բարձր մասնակցության ապահովում։ Ընդդիմադիր քաղաքական ուժերի խնդիրը հենց դա՛ պետք է լինի։ Մենք ամեն ինչ անելու ենք դրա համար։
Քաղաքացին պետք է որոշի, թե ով է լինելու հաջորդ իշխանությունը։ Ու կորոշի։ Իշխանությունն այդ որոշումից է վախենում»։