«Ասում են՝ ինչի՞ եք պեռաշկի ուտում, որովհետև իրենց հաշվարկներով մենք պիտի վախենայինք բունկերից դուրս գալ»․ Նիկոլ Փաշինյան

«Հայաստանի շուրջ խաղաղություն է հաստատված, բայց եթե հոգ չտարվի, օրերի ընթացքում կարող է ամեն ինչ փլուզվել»,- այս մասին ԱԺ-Կառավարություն հարցուպատասխանի ժամանակ նշեց վարչապետ Նիկոլ Փաշինյանը՝ արձագանքելով գոյաբանական խնդիրների մասին դիտարկմանը։

Անդրադառնալով ընդդիմադիր պատգամավորների քննադատություններին՝ Փաշինյանը նշեց․ «Ասում են՝ ինչի՞ եք պեռաշկի ուտում, որովհետև իրենց հաշվարկներով մենք հիմա պիտի վախենայինք դուրս գալ բունկերներից։ Դա իրենց համար մեծ սենսացիա է, որ մենք հիմա պեռաշկի ենք ուտում, որովհետև իրենց 1-2 տարվա կանխատեսուները որ լսեինք, մենք կա՛մ պիտի չլինեինք, կա՛մ ծայրահեղ դեպքում հիմա օնլայն ռեժիմով կլիներ այս նիստը՝ ԱԺ-ն ուրիշ բունկերում, Կառավարությունն՝ ուրիշ, ընդ որում՝ հնարավորինս ցաքուցրիվ։ Հիմա մենք ինչքան կարկանդակ ենք ուտում, այնքան իրենց քաղաքական վստահելիությունը փլուզվում է։ Իրենց խնդիրը կարկանդակը չի, ոչ էլ տարածաշրջանն է, իրենց խնդիրն այն է, որ իրենք խորհրդարան չեն անցնելու»։