«Հովտային և նախալեռնային գոտիներում արդեն կլիմայական գարուն է». Գագիկ Սուրենյան

Հիդրոօդերևութաբանության և մոնիթորինգի կենտրոնի տնօրենի տեղակալ Գագիկ Սուրենյանը հայտնում է․ «Այսօրվանից կարող ենք ասել, որ Հանրապետության հովտային և նախալեռնային գոտիներում արդեն կլիմայական գարուն է, որովհետև օդի օրական միջին ջերմաստիճանը +5 աստիճանից բարձր է: Առաջիկա 3 օրերին հարավ-արևմուտքից տաք օդային հոսանքների ներթափանցմամբ պայմանավորված օդի ջերմաստիճանը կբարձրանա ևս 4-ից 6 աստիճանով, լեռնային մարզերում ցերեկը կունենանք մինչև +10, նախալեռնային հատվածներում մինչև +15, իսկ հովտային գոտիներում, նաև Երևանում՝ մինչև +17-ից 18 աստիճան: Մինչև մարտի 19-ը երկրի ողջ տարածքում սպասվում է առանց տեղումների եղանակ, մարտի 20-ից տեղումները կվերսկսվեն, լեռնային մարզերում թաց ձյան, իսկ հովտային և նախալեռնային մարզերում՝ անձրևի տեսքով: