«Իրանահայերի՝ որևէ արտառոց հոսք դեպի Հայաստան չկա». Զարեհ Սինանյան

«Որևէ տվյալ չունենք, թե կոնկրետ քանի իրանահայ է եկել Հայաստան, բայց կարող ենք ասել, որ որևէ արտառոց հոսք՝ դեպի Հայաստան, որը որևէ ձևով տարբերվում է նախորդ ժամանակահատվածներից, չունենք»,- ճեպազրույցի ժամանակ հայտնել է Սփյուռքի գործերի գլխավոր հանձնակատար Զարեհ Սինանյանը: Անդրադառնալով Իրանում հայերի հետ կապ հաստատելուն՝ Սինյանյանը նշել է, որ անընդհատ փորձում են կապի մեջ լինել, պարբերաբար հնարավոր է լինում կապնվել, բայց հիմնականում՝ ոչ: «Մարդիկ տներում են, զգույշ, փորձում են վտանգավոր վայրերից հեռու մնալ»,- հավելել է նա: