«Կարգալույծներն ամենապաշտպանվածն են»․ Արա Զոհրաբյան

Այսօր Արագածոտնի թեմի առաջնորդ Մկրտիչ Սրբազանի գործով դատական նիստի ժամանակ պաշտպանական կողմը միջնորդություն ներկայացրեց՝ վերացնելու խափանման միջոցը, որին ի պատասխան մեղադրող կողմը հայտարարեց, որ Սրբազանը, լինելով ազատության մեջ, կարող է ազդեցություն ունենալ մեղադրող կողմի՝ կարգալույծներ Ստեփան Ասատրյանի (նախկին Տեր Արամ) ու Արամայիս Թախմազյանի (նախկին Տեր Թադե) վրա։

«Տուժողներն այն անձինք չեն, որ կարող են ճնշվել կամ իմ վստահորդը կարող է նրանց վրա ճնշում գործադրել։ Տուժողների հովանավորը Հայաստանի վարչապետ Նիկոլ Փաշինյանն է։ Այդ բարենորոգիչ ծրագրի շրջանակներում, որտեղ իրենք ակտիվ ներգարվված են, պաշտպանության միջոցներ են կիրառված. անվտանգության աշխատողները մշտապես ուղեկցում են իրենց։ Նրանք ամենապաշտպանված մարդիկ են այստեղ։ Ուստի տուժողների վրա ազդելու փաստարկն արդեն հոդս է ցնդում»,- իր խոսքում ասաց պաշտպան Արա Զոհրաբյանը։