Թայլանդում հայտնաբերել են 1900 թվականին ծնված կնոջ

Երկրի վրա ապրող ամենատարեց մարդկանցից մեկը գտնվել է Թաիլանդի Լամպհուն նահանգում: Նրա ծննդյան վկայականում նշված է 1900 թվականի սեպտեմբերի 5-ը (բուդդայական օրացույցի համաձայն՝ 2443 թվական), հաղորդում է թաիլանդական «Դեյլի Նյուզ» թերթը։

Գուիչե Չիցակունվատն ապրում է Նամբոնոյ գյուղում, որը գտնվում է Թաիլանդի հյուսիսում գտնվող Չիանգ Մայ քաղաքի մոտ: Նա խոսում է միայն կարեն լեզվով, ինչը դժվարացնում է նրա հետ շփումը։

Տիկին Չիցակունվատի ծննդյան վկայականը տրվել է 2009 թվականին: Տրման պահին նրա ծննդյան ամսաթիվը ստուգելու վերաբերյալ որևէ տեղեկատվություն չի եղել: Փաստաթղթի համաձայն՝ հարյուրամյա կինը ծնվել է 1900 թվականի սեպտեմբերի 5-ին: Թոշակառուն պնդում է, որ տեսել է Ռամա IX թագավորին։

Գուիչե Չիցակունվատն ունեցել է միայն մեկ երեխա, որը մահացել է 40 տարեկանում: Երեք թոռներից ավագը 37 տարեկան է: Կինը իր երկարակեցությունը վերագրում է բուսակերությանը և հոգևոր պրակտիկային: Նա նաև պնդում է, որ երջանկություն է գտնում բնության հետ միաձուլվելու մեջ։