«ՄԻՊ-ը վերածվել է ՔՊ-ական սև գործերը դզել-փչելու գարաժի».Արեգ Սավգուլյան

Պատմաբան Արեգ Սավգուլյանի ֆեյսբուքյան գրառումը․ «ՔՊ-ական ՄԻՊ մադմուազել Մանասյան, եթե դուք տեղում լինեիք և կատարեիք ձեր գործառույթները, քաղաքացիները, օրինակ՝ Ձեր կողքին պատկերված Շենգավիթ վարչական շրջանի աշխատակից տիկինը կիմանար, որ Հայաստանում նման կառույց կա, որի ղեկավարը դուք եք և կխուսափեր քաշքշոցից, հարվածների և հայհոյանքների տեղատարափից։ Բայց քանի որ ՄԻՊ-ը վերածվել է ՔՊ-ական սև գործերը դզել-փչելու գարաժի կամ «խոդավիկի լաչուգայի», իսկ դուք, բնականաբար, վարիչի, մարդու իրավունքները շարունակվում են բազմակողմանիորեն ոտնահարվել թե՛ համայնքային, թե պետական հարթակներում։
Չես ասում բառացի, բայց կեցվածքդ է հուշում «ՄԻՊ-ը ես եմ և վե՛րջ»։ Ինքնահավանության սաղարթախիտ մշուշներից մի պահ հայացքդ հառի դեպի մահկանացուները, որոնք քո կարիքն ունեն։ Հասկանում եմ, կրկին ոչինչ չես նկատում, բնապատնեշն է խոչընդոտում, ուրեմն հղկի՛ր ինքդ քեզ և գործով զբաղվի՛ր»։