«Ադրբեջանի բանակը մեծ վախեր ունի գնդապետ Կանդազի ռազմական փորձից». Նաիրի Հոխիկյան

Լրագրող Նաիրի Հոխիկյանի ֆեյսբուքյան գրառումը. «Միայն այն փաստը, որ «Ուժեղ Հայաստան»-ի ռազմական անվտանգության ծրագրի համակարգողը լեգենդար հետախույզ Կանդազն է, արդեն փակում է բոլոր մնացած հարցերը։
Ովքեր քիչ բան գիտեն Կանդազի (Արթուր Ավանեսյան) մասին, առաջարկում եմ ուսումնասիրել նրա կենսագրությունը կամ հարցնել փորձառու զինվորականներից։ Նրանք կհաստատեն, որ Ադրբեջանի բանակը մեծ վախեր ունի գնդապետ Կանդազի ռազմական փորձից, գիտելիքներից ու վճռականությունից։
Ճիշտ նույնկերպ, ինչպես Նիկոլ Փաշինյանը վախենում է Սամվել Կարապետյանից։
Անձամբ եմ ճանաչում գնդապետ Կանդազին, և ինձ համար ցուցիչ է, որ հենց նա է «Ուժեղ Հայաստան»-ի ռազմական անվտանգության ծրագրի համակարգողը։
Որոշում կայացնողները և դրանք իրագործողները այստեղ միայն ու միայն հայեր են, որոնք իրենց կյանքի փորձով ու ձեռքբերումներով են ապացուցել նվիրումը հայրենիքին»։