«Քոչարյանի ֆեյքերի ֆաբրիկան կառավարում է Մոսկվայում բնակվող Վիկտոր Սողոմոնյանը»․ Նարեկ Մալյան

Հասարակական գործիչ Նարեկ Մալյանը ֆեյսբուքյան իր էջում գրել է․ «Վիկտոր, ո՞ւմ էինք հաց տվել մի կտոր…
Թերևս սկսենք վերջից.
Հատկապես ընդդիմադիրներին ծանոթ են տելեգրամյան bolola, kremlin, Առաջին զանգ և նմանատիպ այլ ալիքները որոնք մասնագիտացած են ընդդիմությանը հայհոյելու, շանտաժ անելու և դրանով նիկոլին աջակցելու գործում:
Ընդդիմադիր դաշտի անխտիր բոլոր ուժերը և գործիչները ամենակեղտոտ ձևով թիրախավորվել են այս ալիքներում: Այս ալիքներում անանուն հայհոյել են Արթուր Վանեցյանին, Բագրատ սրբազանին, Սաթիկ Սեյրանյանին, Լևոն Տեր-Պետրոսյանին, Սամվել Կարապետյանին, Նարեկ Կարապետյանին, Արթուր Դանիելյանին, Հրանտ Մելիք Շահնազարյանին, Միհրան Հակոբյանին, Արման Թաթոյանին, Էդգար Ղազարյանին, Գագիկ Ծառուկյանին, Ավետիք Չալաբյանին, Աննա Աբրահամյանին, ինձ: Մի խոսքով բոլորին ովքեր երբևէ համարձակվել են թեկուզ որևէ դրվագում պայքարել իշխանության դեմ: Իհարկե սրանց հիմնական թիրախը իհարկե եղել և մնում է ՀՀԿ-ն, երրորդ նախագահի հետ միասին: Կարծում եմ ճիշտ կլինի որ հանրությունը տեղյակ լինի, որ այս ալիքները, ինչպես նաև պարտված Քոչարյանի 18 ագրեսիվ աջակիցների տելեգրամյան ալիքները (мина, девушка с ружьем) մի խոսքով՝ պարտված Քոչարյանի ֆեյքերի ֆաբրիկան ստեղծել և կառավարում է Մոսկվայում բնակվող Վիկտոր Սողոմոնյանը:
Բոլոր թվարկածս գործիչների հանդեպ ստոր հարձակումները նախաձեռնվել և կառավարվել են նրա կողմից:
Նպատակը հիմնականում մեկն է եղել (ինչը Վիկտորի այլ ձեռնարկների պես տապալվել է) ընդդիմադիր դաշտում ոչնչացնել բոլորին, որպեսզի մնա միայն պարտված Քոչարյանը:
Այս ֆեյքերի ֆաբրիկան ստեղծվել է 2021 թվականին Քոչարյանի խայտառակ պարտությունից անմիջապես հետո: Ֆինանսավորվում է նրա կողմից: Հայհոյողները Վիկտոր Սողոմոնյանի ուղղաձիգ-զինվորական ենթակայության տակ են գտնվում:
Հաջորդիվ կներկայացնեմ Վիկտոր Սողոմոնյանի Մոսկովյան գործունեության ուշագրավ դրվագներ, որոնց արդյունքում ռուս-հայկական հարաբերություններն իջել են այսքան ցածր մակարդակի: Կամ կպատմեմ թե ինչպես Վիկտորն ու պարտված Քոչարյանը որոշեցին խաբել հայ ժողովրդին «կռելու ենք» կարգախոսով, կամ Վիկտորի ու պարտված Քոչարյանի 2018 թվականի «հեղափոխության» կազմակերպական ներգրավվածության մասին»։