Facebook-ում տարօրինակ սխալ է ի հայտ եկել. վերբեռնվող լուսանկարները սև ու սպիտակ են դառնում

Facebook-ում վերջին մեկ օրում տարօրինակ սխալ է ի հայտ եկել. վերբեռնվող լուսանկարները սև ու սպիտակ են դառնում:
Այս երևույթը սկսվել է ապրիլի 18-ի երեկոյան և ապրիլի 19-ի կեսօրից հետո՝ ազդելով ինչպես անձնական գրառումների լուսանկարնների, այնպես էլ մեկնաբանությունների բաժնի լուսանկարների վրա։ Շատ օգտատերեր հայտնել են, որ իրենց սարքերի լուսանկարները գունավոր են, բայց Facebook-ում վերբեռնվելիս դրանք դառնում են սև ու սպիտակ։

Առեղծվածն այն է, որ սխալը միշտ չէ, որ տեղի է ունենում։ Նույն գրառման մեջ, որտեղ կան բազմաթիվ լուսանկարներ, որոշ լուսանկարներ գունազրկվում են, իսկ մյուսները՝ ոչ։

Ճշգրիտ պատճառը մնում է անհայտ։ Ո՛չ Facebook-ի մայր ընկերությունը՝ Meta-ն, ո՛չ էլ հարթակն ինքը որևէ հայտարարություն չեն արել։ Downdetector-ը, որը հայտնի հավելվածներում սխալների մասին հաղորդելու հարթակ է, նույնպես լայնածավալ խափանումներ չի գրանցել, չնայած վերջին 24 ժամվա ընթացքում եղել են դանդաղ բեռնման կամ թերի ցուցադրման առանձին հաղորդագրություններ։

Facebook վերբեռնված լուսանկարները սովորաբար անցնում են սեղմման, ձևաչափի փոխակերպման և յուրաքանչյուր սարքի համար տարբեր տարբերակների ստեղծման մի քանի փուլերով։ Խնդիրը կարող էր առաջացած լինել այս փուլերից մեկի կամ մի քանիսի ընթացքում։

Անհասկանալի է, թե արդյոք այս խնդրի լուծումը կվերականգնի օգտատերերի կողմից վերբեռնված գունավոր պատկերները։