«Ինչպե՞ս է տեղի ունեցել դեպքը»․ Տիգրան Ավինյան

196

Այսօր, 10:12

Ինչպես հայտնել էինք, ապրիլի 18-ին Նուբարաշենի աղբավայրում պայթյուն-հրդեհ էր տեղի ունեցել, կային տուժածներ։ Գործակարգավարական խորհրդակցության ժամանակ քաղաքապետ Տիգրան Ավինյանը հետաքրքրվեց՝ ինչպես է տեղի ունեցել դեպքը, ինչպես են իրենց զգում տուժածները։ «Սանհանգույցից տարօրինակ հոտ է տարածվել, տնօրենը փորձել է ճշտել՝ ինչով է պայմանավորված, ներս է մտել, լույսը վառել ու պայթյունը տեղի է ունեցել։ Գտնվում է կայուն ծանր վիճակում»,- զեկուցեցին նիստի ժամանակ։ Նշվեց, որ սանհանգույցի կոյուղագծի միջոցով շմոլ գազի կուտակում է տեղի ունեցել, որն էլ դարձել է պայթյունի պատճառ։ Ավինյանն ասաց, որ նմանատիպ դեպքերը վկայում են այն մասին, որ անվտանգության հետ կապված դեռևս անելիքներ կան։