Երկուշաբթի, 27 ապրիլի, 2026 թ.
|
Ստեփանակերտում`   +19 °C

«Իշխող ռեժիմի կրավորական բնույթի մեկնաբանություններն արտաքին աշխարհին փոխանցում են երկու վտանգավոր ուղերձ»․ Տիգրան Աբրահամյան

«Իշխող ռեժիմի կրավորական բնույթի մեկնաբանություններն արտաքին աշխարհին փոխանցում են երկու վտանգավոր ուղերձ»․ Տիգրան Աբրահամյան
101
Այսօր, 10:00

ԱԺ «Պատիվ ունեմ» խմբակցության քարտուղար Տիգրան Աբրահամյանը ֆեյսբուքյան իր էջում գրում է․ «Իշխող ռեժիմի պարագլուխների՝ Արցախում ոչնչացվող հոգևոր, պատմամշակութային արժեքների վերաբերյալ կրավորական բնույթի մեկնաբանություններն արտաքին աշխարհին փոխանցում են երկու վտանգավոր ուղերձ։
Առաջին՝ Ադրբեջանին արտոնում են շարունակել ցեղասպան քաղաքականությունը։
Երկրորդ՝ միջազգային հանրությանը իրազեկում են, որ Հայաստանն առանձնապես խնդիրներ չի տեսնում ադրբեջանական վանդալիզմում, և լուրջ քայլեր ձեռնարկելու անհրաժեշտություն չկա։
Արցախում ոչնչացվում է հայկականությունը՝ մեր հազարամյակների հետքն այս տարածաշրջանում, և դա արվում է կառավարության շենքից տրվող «կանաչ լույսի» մշտական առկայծման պայմաններում»։