«Հասարակության հոգին ու միտքը դարձրել են ստի ու կեղծիքի թույնը սերմանելու անդաստան». Հայր Ռուբեն

Մասյացոտն թեմի առաջնորդ Ռուբեն Վարդապետ Զարգարյանի ֆեյսբուքյան գրառումը. «Ժամանակին այս նույն փութաջանությամբ տարածում էին Սրբազան պայքարի անդամներին, այդ թվում՝ Բագրատ սրբազանին վերագրվող ձայնագրությունները, որոնք չէին անցել փորձաքննություն, հետո պարզվեց՝ մոնտաժված են՝ խեղաթյուրելով իրականությունը եւ մարդկանց վերագրելով ահաբեկչի պիտակ։ Նույն ձեռագիրն է, նույն դերակատարներն են, նույն նպատակները, նույն խաբեությունը։ Հասարակության հոգին ու միտքը դարձրել են ստի ու կեղծիքի թույնը սերմանելու անդաստան»: