ԱՄՆ-ում Թրամփի պատկերով անձնագրեր կթողարկվեն

ԱՄՆ Պետդեպարտամենտը կթողարկի սահմանափակ քանակությամբ անձնագրեր՝ ԱՄՆ նախագահ Դոնալդ Թրամփի պատկերով։ Անձնագրի դիզայնը նվիրված է երկրի անկախության 250-ամյակին, որը կնշվի 2026 թվականի հուլիսին։ Այս մասին հայտնում է Fox News-ը՝ հղում կատարելով գերատեսչության ներկայացուցիչ Թոմի Փիգոթին։

Մակետի համաձայն՝ անձնագրի շապիկի ներքևի հատվածում կտեղադրվի Դոնալդ Թրամփի նկարը՝ զուգորդված Անկախության հռչակագրի տեքստի, ինչպես նաև նրա ոսկեգույն ստորագրության հետ։ Շապիկի մյուս հատվածում կտեղադրվի Ջոն Թրամբուլի «Անկախության հռչակագիրը» նկարից մի հատված։

Հատուկ դիզայնով անձնագրերը կտրամադրվեն միայն Վաշինգթոնի անձնագրային գործակալությունում՝ անձամբ դիմելու դեպքում, հայտնում է CNN-ը։