«Եթե չես գնահատում Արարատը, Արագածը հանձնելու ես»․ Արման Աբովյան

«Բյուսելներում, Փարիզներում և Վարշավաներում պետք է իմանան, որ հայը դեմ է, որ իրեն զրկեն ինքնությունից, դեմ է՝ դառնալ կտտանքների, քաղաքական հետապնդումների «մատերիալ», որ իր երկիրը դարձնեն անսեռ, անդեմ մի կառույց»,- այսօր ԵՄ հայաստանյան գրասենյակի մոտ ակցիայի ժամանակ լրագրողների հետ զրույցում ասել է ԱԺ նախկին պատգամավոր Արման Աբովյանը։ «Պետք է իմանան, որ հայը դեմ է, որ հենց նույն իշխանությունները մեզ շանտաժի ենթարկեն, ասեն, որ եթե իրենք չլինեն՝ կլինի պատերազմ․ այո մենք դեմ ենք, որ քոչվոր թրքալեզու ցեղերին բերեն ու բնակեցնեն Հայաստանում, դեմ ենք, որ քրիստոնեության կարևորագույն սիմվոլ Աարարտ լեռը՝ մեր ջիգյարը, մեր ինքնությունը, մեր հոգին դնեն ու ասեն, եթե դու նայեցիր այն կողմ՝ պատերազմ կլինի։ Եթե դու չես գնահատում Արարատը, Արագածը 100 տոկոս հանձնելու ես, չկասկածեք ոչ մի վայրկյան»,- հավելեց նա: