Հինգշաբթի, 30 ապրիլի, 2026 թ.
|
Ստեփանակերտում`   +12 °C

«Հայրենիքն ու հայրենակցին պետք է սիրել մշտապես, ոչ թե նախընտրական շրջանում»․ Նաիրի Հոխիկյան

«Հայրենիքն ու հայրենակցին պետք է սիրել մշտապես, ոչ թե նախընտրական շրջանում»․ Նաիրի Հոխիկյան
135
Այսօր, 17:30

Լրագրող Նաիրի Հոխիկյանի ֆեյսբուքյան գրառումը․ «Գիտե՞ք, թե ինչն է վերջին շաբաթներին ինձ մոտ դառը ժպիտ առաջացնում․
Երբ տարիներ շարունակ Հայաստանի ու Արցախի սարերն ու ձորերը «չափում էի» ընկերներիս հետ՝ կանգնելով հեռավոր գյուղերում ապրող մարդկանց կողքին, կահավորելով առաջնագծի խրամատները, խոսելով սահմանամերձ բնակավայրերի խնդիրների մասին ու լուծելով դրանց մի մասը, Երևանում շատ մարդիկ սրճարաններում նստած՝ հեգնում էին ու մեզ անվանում միամիտ հայրենասերներ։
Իսկ նախընտրական այս փուլում, հայրենասիրությունը դառնում է լավ սպառվող ապրա՞նք, թե՞ հեռավոր գյուղերի բնակիչների ձայներն են թանկանում։
Հայրենիքն ու հայրենակցին պետք է սիրել ամենուր և մշտապես՝ ամառ, թե ձմեռ, հեռու, թե մոտ, նախընտրական, թե ոչ ընտրական շրջանում։ Մշտապես»։

Աղբյուրը`   Նաիրի Հոխիկյան