«Իսրայելցի օդաչուները կարող են հասնել Իրանի երկնքի ցանկացած կետ». Նեթանյահու

Իսրայելի վարչապետ Բենիամին Նեթանյահուն հաստատել է, որ Իսրայելը ձեռք կբերի F-35 և F-15IA կործանիչների երկու նոր էսկադրիլիա՝ հայտարարելով երկրի ռազմական կարողությունները հզորացնելու, այդ թվում՝ նոր մարտական ինքնաթիռների ձեռքբերման և ներքին զենքի արտադրության ընդլայնման ծրագրերի մասին։
«Այս ինքնաթիռները (F-35 և F-15IA) ամրապնդում են Իսրայելի ճնշող օդային գերազանցությունը»,- նշել է Նեթանյահուն։
Իսրայելի վարչապետը վստահություն է հայտնել, որ իսրայելցի օդաչուները «կարող են հասնել Իրանի երկնքի ցանկացած կետի և պատրաստ են դա անել անհրաժեշտության դեպքում»։ Նեթանյահուն նաև հայտարարել է, որ հրամայել է ներդրումներ կատարել ներքին զինամթերքի արտադրության օբյեկտների ստեղծման գործում. «Հաջորդ տասնամյակի ընթացքում մենք պաշտպանության բյուջեին կավելացնենք 350 միլիարդ շեկել՝ այդ զենքերը ներքին արտադրության մեջ արտադրելու և արտաքին մատակարարումներից կախված չլինելու համար»։
Ավելին, վարչապետը հայտարարել է, որ Իսրայելը մտադիր է մշակել ներքին արտադրության նոր ինքնաթիռներ։ «Սա կփոխի ամբողջ պատկերը», - պնդել է Նեթանյահուն։
Իսրայելի վարչապետը նաև հիշեցրել է, որ «մի քանի շաբաթ առաջ հրամայել է ստեղծել հատուկ նախագիծ՝ անօդաչու թռչող սարքերի կողմից ներկայացվող սպառնալիքը չեզոքացնելու համար», նշելով, որ «այսօր սպասում է այս ոլորտում առաջընթացի զեկույցին»։
Եզրափակելով՝ Նեթանյահուն ընդգծեց, որ Իսրայելը կշարունակի ապահովել իր ռազմական գերազանցությունը «բոլոր ճակատներում»։

«ԽՍՀՄ փլուզումից հետո ծնված արցախցիների անձնագրերում ծննդավայրն Ադրբեջան գրելը սադիստական քայլ է»․ Թաթուլ Հակոբյան
4002:06
«Իշխանությունը համակարգված իրականացնում է ՀՀ-ի ինտեգրումը թուրքական աշխարհին»․ Արեգ Սավգուլյան
10201:07
«Ամեն տեղ պետք չէ գնալ մեքենայով, բնությունը վնասվում է»․ Անի Խաչատրյան
6200:48
«Աշխարհը պաշտոնապես թևակոխել է կլիմայական ծայրահեղությունների դարաշրջան»․ Լևոն Ազիզյան
5500:42
Վերին Լարսը փակ է բեռնատարների համար
102Երեկ, 23:49
Աթենքի աշխարհահռչակ Ակրոպոլիսի թանգարանում բացվել է «Հին Հայաստան» խորագրով ցուցահանդես
71Երեկ, 23:18
Մայր Աթոռում կատարվել է 9 սարկավագների ընծայման կարգը
71Երեկ, 22:42
«Երևանցիների գույքը դարձել է ՔՊ-ի հարկային ախորժակի թիրախը»․ Սարգիս Տեր-Եսայան
119Երեկ, 16:48