«Եկեք տարբերենք անասունը աննննասուններից». Դավիթ Ամալյան

Երգիչ-երգահան Դավիթ Ամալյանի ֆեյսբուքյան գրառումը. «Մի փոքր կենսաբանական էքսկուրս անասուն բառի մասին...
այն անասունները, որոնք ապրում են գոմում, ունեն չորս ոտք, չունեն խոսելու հնարավորություն, մարդկանց տալիս են անարատ կաթնամթերք և մսամթերք, ուտում են խոտ կամ լափ բայց զուսպ, առանց սոց-ցանցային հրապարակման, սրանք կոչվում են անասուն...
Իսկ նրանք ովքեր չունեն չորս ոտք, ապրում են եվրովերանորոգված շինություններում, մարդկանց բացի ատելությունից ոչինչ չեն կարող տալ, ունեն անասելիք, բայց անընդմեջ ղժղժ ձայն հանելու հնարավորություն, ուտում են ամեն ինչ, հատկապես լափի հանդեպ ունեն առանձնահատուկ մոտեցում, օգտվում են ժամանակակից տեխնոլոգիաներից, և դրա շնորհիվ հայտնվում են հանրային դաշտի ուսումնասիրության կենտրում, մի գուցե հանրությանը ծիծաղեցնելու համար ուտելիս կամ լափելիս, երբեմն հարբած, ուռած կամ ինչի չէ նաև քթերը քաշած, նաև խոստանում են, որ շուտով կհրապարակվեն արտաթորելիս՝ կոչվում են անննասուն, այսինքն վերջիններս գրվում են մի քանի ն-ով...
Եկեք տարբերենք անասունը աննննասուններից, որպեսզի չվիրավորենք անասուններին...»: